zikr sunti huun ujaale kaa bahut — Humaira Rahat

sunaa hai khvaab mukammal kabhi nahin hote
sunaa hai ishq khataa hai so kar ke dekhte hain

huzur aap koi faisla karein to sahi
hain sar jhuke hue darbaar bhi lagaa huaa hai

taalluq ki nai ik rasm ab ijaad karnaa hai
na us ko bhulnaa hai aur na us ko yaad karnaa hai

guzar jaaegi saari raat is mein
miraa qissa kahaani se baDaa hai

jahaan ik shakhs bhi miltaa nahin hai chaahne se
vahaan ye dil hatheli par zamaana chaahtaa hai

bahut taakhir se paayaa hai khud ko
main apne sabr kaa phal ho gai huun