qatl par biiDaa uThaa kar tegh kyaa baandhoge tum — Imdad Ali Bahr

sau fasaad ek ishq mein uTThe
boyaa ik tukhm uge hazaar darakht

mire baghair na ik-dam use qaraar aataa
zaraa bhi zabt jo mujh be-qaraar mein hotaa

mire qatl par tum ne biiDaa uThaayaa
mire haath kaa paan khaayaa to hotaa

na mohabbat hai dilon mein na hayaa aankhon mein
ye sanam tu ne banaae hain khudaayaa kaise

ham na kahte the hansi achchhi nahin
aa gai aakhir rukaavaT dekhiye

khush raho yaar agar ham se ho bezaar bahut
dil agar apnaa salaamat hai to dildaar bahut