haadse se baDaa saaneha ye huaa — Inayat Ali Khan

us ke rukhsaar pe hai aur tire honT pe til
tilmilaane ki ijaazat nahin di jaaegi

mafaad-e-qaum se naa-aashnaa kirdaar se aari
ye be-peindi ke loTe hain jidhar chaahein luDhak jaaein

vo close-up to kisi bhi incloser mein na thaa
apne TV par jo ham ho kar magan dekhaa kiye

ye ho saktaa nahin kyuun paas aakhir
miraa beTaa shariat bill nahin hai

yahaan 'inaayat' aap ko mushaaeron ki daad ne
chaDhaa diyaa hai baans par mazaaq hi mazaaq mein

is se andesha-e-fardaa ki juein jhaDti hain
sar khujaane ki ijaazat nahin di jaaegi