jo log lauT ke khud mere paas aae hain — Iqbal Ashhar Quraishi

khud ko jab bhuul se jaate hain to yuun lagtaa hai
zindagi tere azaabon se nikal aae hain

sataayaa aaj munaasib jagah pe baarish ne
isi bahaane Thahar jaaein us kaa ghar hai yahaan

'ashhar' bahut si pattiyaan shaakhon se chhin gaiin
tafsir kyaa karein ki havaa tez ab bhi hai

darakht haath hilaate the rahnumaai ko
musaafiron ne to kuchh bhi nahin kahaa mujh se