us ne baarish mein bhi khiDki khol ke dekhaa nahin — Jamal Ehsani

hazaar tarah ke the ranj pichhle mausam mein
par itnaa thaa ki koi saath rone vaalaa thaa

— Jamal Ehsani

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

— Jamal Ehsani

jo dil ke taaq mein tu ne charaagh rakkhaa thaa
na puchh main ne use kis tarah sitaara kiyaa

— Jamal Ehsani

vo log mere bahut pyaar karne vaale the
guzar gae hain jo mausam guzarne vaale the

— Jamal Ehsani

chaaron jaanib rachi hui hai ashkon ki bu-baas
is raste se guzre honge qaafile hijrat vaale

— Jamal Ehsani

kisi bhi vaqt badal saktaa hai lamha koi
is qadar khush bhi na ho meri pareshaani par

— Jamal Ehsani

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'