ilaaj ye hai ki majbūr kar diyā jā.ūñ — Jaun Elia

jism meñ aag lagā duuñ us ke
aur phir ḳhud hī bujhā duuñ us ko

jurm meñ ham kamī kareñ bhī to kyuuñ
tum sazā bhī to kam nahīñ karte

us kī chashm-e-nīm-vā se pūchhiyo
vo tire mizhgāñ-shumārāñ kyā hue

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

ishrat-e-hāl-e-nau mubārak ho
aap ko sāl-e-nau mubārak ho

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge