ishrat-e-hāl-e-nau mubārak ho — Jaun Elia

jurm meñ ham kamī kareñ bhī to kyuuñ
tum sazā bhī to kam nahīñ karte

jism meñ aag lagā duuñ us ke
aur phir ḳhud hī bujhā duuñ us ko

us kī chashm-e-nīm-vā se pūchhiyo
vo tire mizhgāñ-shumārāñ kyā hue

ilaaj ye hai ki majbūr kar diyā jā.ūñ
vagarna yuuñ to kisī kī nahīñ sunī maiñ ne

sochā hai ki ab kār-e-masīhā na kareñge
vo ḳhuun bhī thūkegā to parvā na kareñge

mere tevar bujh ga.e merī nigāheñ jal ga.ī
ab koī ā.īna-rū ā.īna-dār aayā to kyā

yahī vo din the jab ik dūsre ko paayā thā
hamārī sāl-girah Thiik ab ke maah meñ hai

kyā isī bhuul ko kahte haiñ mohabbat kā zavāl
ab mujhe yaad nahīñ sālgirah bhī terī

do-shāla shaal kashmīrī amīroñ ko mubārak ho
galīm-e-kohna meñ jaaḌā faqīroñ kā basar hogā

bār-e-ḳhātir hī agar hai to ināyat kiije
aap ko husn mubārak ho mirā dil mujh ko

aaj yāroñ ko mubārak ho ki sub.h-e-eid hai
raag hai mai hai chaman hai dilrubā hai diid hai

chāñd banñā tumheñ mubārak ho
ghar hamārā karoge kab raushan