vo saadgi mein bhi hai ajab dilkashi liye — Junaid Hazin Lari

qatra na ho to bahr na aae vajud mein
paani ki ek buund samundar se kam nahin

— Junaid Hazin Lari

dekhaa nahin vo chaand saa chehraa kai din se
taarik nazar aati hai duniyaa kai din se

— Junaid Hazin Lari

tiri talaash mein nikle to itni duur gae
ki ham se tai na hue faasle judaai ke

— Junaid Hazin Lari

ajab bahaar dikhaai lahu ke chhinTon ne
khizaan kaa rang bhi rang-e-bahaar jaisaa thaa

— Junaid Hazin Lari

udaasiyaan hain jo din mein to shab mein tanhaai
basaa ke dekh liyaa shahr-e-aarzu main ne

— Junaid Hazin Lari

ik sham-e-aarzu ki haqiqat hi kyaa magar
tufaan mein ham charaagh jalaae hue to hain

— Junaid Hazin Lari

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki