un ko ushshaaq hi ke dil ki nahin hai takhsis — Kalb

chaalis jaam pi ke diyaa ek jaam-e-mai
saaqi ne khuub raah nikaali zakaat ki

— Kalb

ik baat par qaraar unhein raat-bhar nahin
do do pahar jo haan hai to do do pahar nahin

— Kalb

agar un ko puujaa to kyaa kufr hogaa
ki but bhi khudaa ke banaae hue hain

— Kalb

is qadar mahv na hon aap khud-aaraai mein
daagh lag jaae na aaina-e-yaktaai mein

— Kalb

tiri taarif ho ai sahib-e-ausaaf kyaa mumkin
zabaanon se dahaanon se takallum se bayaanon se

— Kalb

phir na baaqi rahe ghubaar kabhi
holi khelo jo khaaksaaron mein

— Kalb

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri