havaa se kah do ki yuun khud ko aazmaa ke dikhaae — Kamal Hatvi

bichhaD jaane kaa gham tauba are tauba are tauba
ye vo hai jo ki dimak ki tarah sab chaaT jaataa hai

— Kamal Hatvi

nazar aankhon ki gum si ho rahi hai
ki ab tum bas sunaai de rahe ho

— Kamal Hatvi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar