zalzala nepal mein aayaa ki hindostaan mein — Kamal Jafari

hamesha aap ko samjhaa ki aap apne hain
hamesha aap ne samjhaa ki dusre hain ham

— Kamal Jafari

sitam-e-garmi-e-sahraa mujhe maalum na thaa
khushk ho jaaegaa dariyaa mujhe maalum na thaa

— Kamal Jafari

qarib rah ki bhi tu mujh se duur duur rahaa
ye aur baat ki barson se tere paas huun main

— Kamal Jafari

bikhraa bikhraa huun ek muddat se
rafta rafta sanvar rahaa huun main

— Kamal Jafari

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi