hansi mein kaTti thiin raatein khushi mein din guzartaa thaa — Kanval Dibaivi

'kanval' khushi ki huaa karti hai yunhi takmil
gham-e-hayaat ke har bahr-e-be-karaan se guzar

— Kanval Dibaivi

jis ne buniyaad gulistaan ki kabhi Daali thi
us ko gulshan se guzarne nahin deti duniyaa

— Kanval Dibaivi

gham-e-dauraan gham-e-jaanaan gham-e-uqbaa gham-e-duniyaa
'kanval' is zindagi mein gham ke maaron ko na chain aayaa

— Kanval Dibaivi

kuchh bujhi bujhi si hai anjuman na jaane kyuun
zindagi mein pinhaan hai ik chubhan na jaane kyuun

— Kanval Dibaivi

zindagi gum na dosti gum hai
ye haqiqat hai aadmi gum hai

— Kanval Dibaivi

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi