lafz rangon mein nahaae hue ghar mein aae — KHalid Malik Sahil

guzar rahi hai jo dil par vahi haqiqat hai
gham-e-jahaan kaa fasaana gham-e-hayaat se puchh

— KHalid Malik Sahil

chamak rahe the andhere mein soch ke jugnu
main apni yaad ke kheme mein so nahin paayaa

— KHalid Malik Sahil

junun kaa koi fasaana to haath aane do
main ro paDungaa bahaana to haath aane do

— KHalid Malik Sahil

ham log to akhlaaq bhi rakh aae hain 'saahil'
raddi ke isi Dher mein aadaab paDe the

— KHalid Malik Sahil

khvaab dekhaa thaa mohabbat kaa mohabbat ki qasam
phir isi khvaab ki taabir mein masruf thaa main

— KHalid Malik Sahil

main tamaashaa huun tamaashaai hain chaaron jaanib
sharm hai sharm ke maare nahin ro saktaa main

— KHalid Malik Sahil