ham log to akhlaaq bhi rakh aae hain 'saahil' — KHalid Malik Sahil

guzar rahi hai jo dil par vahi haqiqat hai
gham-e-jahaan kaa fasaana gham-e-hayaat se puchh

chamak rahe the andhere mein soch ke jugnu
main apni yaad ke kheme mein so nahin paayaa

junun kaa koi fasaana to haath aane do
main ro paDungaa bahaana to haath aane do

khvaab dekhaa thaa mohabbat kaa mohabbat ki qasam
phir isi khvaab ki taabir mein masruf thaa main

bas ek khauf thaa zinda tiri judaai kaa
miraa vo aakhiri dushman bhi aaj maaraa gayaa

main tamaashaa huun tamaashaai hain chaaron jaanib
sharm hai sharm ke maare nahin ro saktaa main