haath chhuDaa kar jaane vaale — Khalid Moin

lakirein khinchte rahne se ban gai tasvir
koi bhi kaam ho, be-kaar thoDi hotaa hai

— Khalid Moin

munkashif! aaj talak ho na sakaa
main khalaa huun ki khalaa hai mujh mein

— Khalid Moin

main ne tujh ko manzil jaanaa
tu mujh ko rasta samjhaa thaa

— Khalid Moin

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae

— Khalid Moin

ajab pur-lutf manzar dekhtaa rahtaa huun baarish mein
badan jaltaa hai aur main bhigtaa rahtaa huun baarish mein

— Khalid Moin

is shahr-e-fusun-gar ke azaab aur, savaab aur
hijr aur tarah kaa hai, visaal aur tarah kaa

— Khalid Moin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

— Mir Taqi Mir

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi