main ne tujh ko manzil jaanaa — Khalid Moin

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae

lakirein khinchte rahne se ban gai tasvir
koi bhi kaam ho, be-kaar thoDi hotaa hai

haath chhuDaa kar jaane vaale
main tujh ko apnaa samjhaa thaa

ajab pur-lutf manzar dekhtaa rahtaa huun baarish mein
badan jaltaa hai aur main bhigtaa rahtaa huun baarish mein

is shahr-e-fusun-gar ke azaab aur, savaab aur
hijr aur tarah kaa hai, visaal aur tarah kaa

shaam paDe so jaane vaalaa! diip bujhaa kar yaadon ke
raat gae tak jaag rahaa thaa pahli pahli baarish mein

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

mire junun ne zamaane ko khuub pahchaanaa
vo pairahan mujhe bakhshaa ki paara paara nahin

main bhi palkon pe sajaa lungaa lahu ki bundein
tum bhi paa-basta-e-zanjir-e-hinaa ho jaanaa

aag kaa kyaa hai pal do pal mein lagti hai
bujhte bujhte ek zamaanaa lagtaa hai

duniyaa mein gharibon ko do kaam hi aate hain
khaane ke liye jiinaa jiine ke liye khaanaa