munkashif! aaj talak ho na sakaa — Khalid Moin

lakirein khinchte rahne se ban gai tasvir
koi bhi kaam ho, be-kaar thoDi hotaa hai

haath chhuDaa kar jaane vaale
main tujh ko apnaa samjhaa thaa

main ne tujh ko manzil jaanaa
tu mujh ko rasta samjhaa thaa

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae

ajab pur-lutf manzar dekhtaa rahtaa huun baarish mein
badan jaltaa hai aur main bhigtaa rahtaa huun baarish mein

is shahr-e-fusun-gar ke azaab aur, savaab aur
hijr aur tarah kaa hai, visaal aur tarah kaa