be-kaar hai be-maani hai akhbaar ki surkhi — Khalid Siddiqui

yuun agar ghaTte rahe insaan to 'khaalid' dekhnaa
is zamin par bas khudaa ki bastiyaan rah jaaeingi

— Khalid Siddiqui

ye kaisi hijratein hain mausamon mein
parinde bhi nahin hain ghonslon mein

— Khalid Siddiqui

ik aur khet pakki saDak ne nigal liyaa
ik aur gaanv shahar ki vusat mein kho gayaa

— Khalid Siddiqui

bahut tanhaa hai vo unchi haveli
mire gaanv ke in kachche gharon mein

— Khalid Siddiqui

jo aankh ki putli mein rahaa nuur ki surat
vo shakhs mire ghar ke andhere kaa sabab hai

— Khalid Siddiqui

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal