bahut tanhaa hai vo unchi haveli — Khalid Siddiqui

be-kaar hai be-maani hai akhbaar ki surkhi
likkhaa hai jo divaar pe vo ghaur-talab hai

yuun agar ghaTte rahe insaan to 'khaalid' dekhnaa
is zamin par bas khudaa ki bastiyaan rah jaaeingi

ye kaisi hijratein hain mausamon mein
parinde bhi nahin hain ghonslon mein

ik aur khet pakki saDak ne nigal liyaa
ik aur gaanv shahar ki vusat mein kho gayaa

jo aankh ki putli mein rahaa nuur ki surat
vo shakhs mire ghar ke andhere kaa sabab hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin