aaine mein aur aab-e-ravaan mein thaa tiraa aks — Khwaja Razi Haidar

nahin ehsaas tum ko raaegaani kaa hamaari
suhulat se tumhein shaayad mayassar ho gae hain

guzri jo rahguzar mein use darguzar kiyaa
aur phir ye tazkira kabhi jaa kar na ghar kiyaa

main ne puchhaa ki koi dil-zadagaan ki hai misaal
kis tavaqquf se kahaa us ne ki haan tum aur main

kab tak ai baad-e-sabaa tujh se tavaqqo rakkhun
dil tamannaa kaa shajar hai to haraa ho bhi chukaa