bhaarat ke ai saputo himmat dikhaae jaao — Lal Chand Falak

dil se niklegi na mar kar bhi vatan ki ulfat
meri miTTi se bhi khushbu-e-vafaa aaegi

— Lal Chand Falak

ai hinduo musalmaan aapas mein in dinon tum
nafrat ghaTaae jaao ulfat baDhaae jaao

— Lal Chand Falak

tan-man miTaae jaao tum naam-e-qaumiyat par
raah-e-vatan par apni jaanein laDaae jaao

— Lal Chand Falak

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

saraa-e-ishq mein baiThe hue hain dil vaale
aur ek aakhiri tohmat ke intizaar mein hain

— Aziz Nabeel

ik lahar us ki aankh mein hai hausla-shikan
ik rang us ke chehre pe bahkaane vaalaa hai

— Jamal Ehsani

dil-e-sarshaar miraa chashm-e-siyah-mast tiri
jazba Takraa de na paimaane se paimaane ko

— Hadi Machlishahri

agar koshish kare insaan to kyaa ho nahin saktaa
vo be-himmat hain jo har kaam ko mushkil samajhte hain

— Agha Shayar Qazalbash

vaqt ki gardishon kaa gham na karo
hausle mushkilon mein palte hain

— Mahfuzur Rahman Adil