rukhsaar kaa de shart nahin bosa-e-lab se — Maatam Fazl Mohammad

dariyaa mein vo dhoyaa thaa kabhi dast-e-hinaai
hasrat se vahin panja-e-marjaan mein lagi aag

— Maatam Fazl Mohammad

dekh kar haath mein tasbih gale mein zunnaar
mujh se bezaar hue kaafir o din-daar judaa

— Maatam Fazl Mohammad

agar samjho namaaz-e-zaahid-e-maghrur yaaro
hazaaron baar behtar-tar hamaari be-namaazi hai

— Maatam Fazl Mohammad

ishq-e-khubaan nahin hai aisi shai
baandh kar rakhiye jis ko puDiyaa mein

— Maatam Fazl Mohammad

umr do-chaar roz mehmaan hai
khidmat-e-mehmaan karun na karun

— Maatam Fazl Mohammad

pujtaa huun kabhi but ko kabhi paDhtaa huun namaaz
meraa mazhab koi hindu na musalmaan samjhaa

— Maatam Fazl Mohammad

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi