apni ammi ko mohabbat se jo dekhaa main ne — Mahfooz Mohammad

qayaadat phir se paane ko hai ye allaama kaa nuskha
sabaq paDh le adaalat ke sadaaqat ke shujaaat ke

— Mahfooz Mohammad

kidhar nishaana lagaa rahe ho kahaan nigaahein Tiki hui hain
ye kaise pakDi hui hai tum ne kamaan tumhaari muDi hui hai

— Mahfooz Mohammad

mujhe tum se ulajhnaa hai kisi din
bahut se masale suljhaa sakungaa

— Mahfooz Mohammad

kyaa kahaa khushbuein luTaataa huun
main tiri haan mein haan milaataa huun

— Mahfooz Mohammad

tumhaare saath hone se mujhe taskin milti hai
mire hamdam mire dilbar hamaare saath rahnaa tum

— Mahfooz Mohammad

fazaaon mein mohabbat gholtaa huun
main hindi huun main urdu boltaa huun

— Mahfooz Mohammad

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi