shikva-e-hijr-e-yaar kaun kare — Mahshar Lakhnavi

mast hain nashsha-e-javaani se
kyaa khabar aap ko kisi dil ki

— Mahshar Lakhnavi

baDhtaa jaataa hai tul-e-gesu-e-yaar
ghaTti jaati hai zindagi dil ki

— Mahshar Lakhnavi

balaaein le rahaa huun is zamin ke zarre zarre ki
luTaa thaa jis jagah raah-e-vafaa mein kaarvaan meraa

— Mahshar Lakhnavi

de ke saaghar mujhe kis lutf se saaqi ne kahaa
dekhte jaao abhi ham tumhein kyaa dete hain

— Mahshar Lakhnavi

saadgi ki intihaa kar di javaanaan chaman
umr bhar rang mizaaj baaghbaan dekhaa kiye

— Mahshar Lakhnavi

vufur-e-shauq mein ik ik qadam meraa qayaamat thaa
khudaa maalum kyun-kar jalva-zaar-e-husn tak pahunchaa

— Mahshar Lakhnavi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli