Mahshar Lakhnavi

baDhtaa jaataa hai tul-e-gesu-e-yaar
ghaTti jaati hai zindagi dil ki

vufur-e-shauq mein ik ik qadam meraa qayaamat thaa
khudaa maalum kyun-kar jalva-zaar-e-husn tak pahunchaa

mast hain nashsha-e-javaani se
kyaa khabar aap ko kisi dil ki

saadgi ki intihaa kar di javaanaan chaman
umr bhar rang mizaaj baaghbaan dekhaa kiye

de ke saaghar mujhe kis lutf se saaqi ne kahaa
dekhte jaao abhi ham tumhein kyaa dete hain

balaaein le rahaa huun is zamin ke zarre zarre ki
luTaa thaa jis jagah raah-e-vafaa mein kaarvaan meraa

shikva-e-hijr-e-yaar kaun kare
husn ko sharmsaar kaun kare