kaun apnaa hai ik khudaa vo bhi — Majid Siddiqui

jazbon ko zabaan de rahaa huun
main vaqt ko daan de rahaa huun

— Majid Siddiqui

tohmat si liye phirte hain sadiyon se sar apne
rusvaa hai bahut naam yahaan ahl-e-hunar kaa

— Majid Siddiqui

ye safar apnaa kahin jaanib-e-mahshar hi na ho
ham liye kis kaa janaaza hain ye ghar se nikle

— Majid Siddiqui

milaa hai takht kise kaun takht par na rahaa
ye baat aur hai jaari thaa jo safar na rahaa

— Majid Siddiqui

saamne us yaar ke bhi aur sar-e-darbaar bhi
ek ye dil thaa jise har baar khuun karnaa paDaa

— Majid Siddiqui

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq