mujh se dilli ki nahin dil ki kahaani suniye — Mansoor Usmani

haalaat kyaa ye tere bichhaDne se ho gae
lagtaa hai jaise ham kisi mele mein kho gae

— Mansoor Usmani

aankhon se mohabbat ke ishaare nikal aae
barsaat ke mausam mein sitaare nikal aae

— Mansoor Usmani

jahaan jahaan koi urdu zabaan boltaa hai
vahin vahin miraa hindostaan boltaa hai

— Mansoor Usmani

apni taarif suni hai to ye sach bhi sun le
tujh se achchhaa tiraa kirdaar nahin ho saktaa

— Mansoor Usmani

pahle to us ki yaad ne sone nahin diyaa
phir us ki aahaTon ne kahaa jaagte raho

— Mansoor Usmani

shabnam ki jagah aag ki baarish ho magar ham
'mansur' na maangeinge duaa aur tarah ki

— Mansoor Usmani

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli