ashk-e-lakht-e-jigar aankhon se ravaan hain 'maaruf' — Maroof Dehlvi

dard-e-sar mein hai kise sandal lagaane kaa dimaagh
us kaa ghisnaa aur lagaanaa dard-e-sar ye bhi to hai

— Maroof Dehlvi

havaa ke ghoDe pe jab vo savaar hote hain
to paa ke vaqt main kyaa kyaa maze uDaataa huun

— Maroof Dehlvi

teri aankhon ke tasavvur mein hai sair-e-kaunain
varna ham log idhar ke idhar ho ke rahte

— Maroof Dehlvi

kaaba-o-dair ko apnaa to yahin se hai salaam
dar-ba-dar kaun phire yaar ke dar ke hote

— Maroof Dehlvi

ghaflat mein javaani gai piiri mein huaa hosh
kyuun kar na khule aankh sahar hi to hai aakhir

— Maroof Dehlvi

main ne aahein bharin to ruk ke kahaa
ghar mein dhuni si kyaa lagaa di hai

— Maroof Dehlvi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid