kisi ke yaad karne kaa agar hoti sabab hichki — Meem Maroof Ashraf

sochtaa huun kyaa miraa bantaa khudaa ke saamne
gar na hotaa yaa-rasulullah sahaaraa aap kaa

— Meem Maroof Ashraf

bahut aasaan lafzon mein ye us ne kah diyaa ham se
nahin tum se mohabbat jaao jo karnaa hai so kar lo

— Meem Maroof Ashraf

jab bhi chumaa hai tire honTon ko
jism se un ko judaa jaanaa hai

— Meem Maroof Ashraf

abhi to aur baDhegi ye tishnagi dil ki
abhi to aur bhi zyaada vo yaad aaeinge

— Meem Maroof Ashraf

use bhi thaa mujhe barbaad karnaa
mujhe bhi ik fasaana chaahiye thaa

— Meem Maroof Ashraf

main tum se duur rah kar kis tarah ye tum ko samjhaaun
ki mujh se duur rah kar kis qadar ho tum akeli

— Meem Maroof Ashraf

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

tum se mile to khud se ziyaada
tum ko akelaa paayaa ham ne

— Irfan Siddiqi

tumhaari yaad nikalti nahin mire dil se
nasha chhalaktaa nahin hai sharaab se baahar

— Faheem Shanas Kazmi