khun-e-ushshaaq kaa uThaa biiDaa — Meer Kallu Arsh

kyaa ghair kyaa aziiz koi nauhagar na ho
ai jaan yuun nikal ki badan tak khabar na ho

chashm-e-baatin mein se jab zaahir kaa parda uTh gayaa
jo musalmaan thaa vahi hindu nazar aayaa mujhe

kyaa diyaa bosa lab-e-shirin kaa ho kar tursh-ru
munh huaa miThaa to kyaa dil apnaa khaTTaa ho gayaa

kaaba kaa aur khaana-e-dil kaa ye haal hai
jaise koi makaan ho makaan ke javaab mein

gale mein apne pahnaa hai jo tu ne ai but-e-kaafir
miri tasbih ko hai rashk zunnaar-e-barahman par

hasrat-e-did mein aakhir ko dam apnaa ulTaa
parda-e-chashm na us shokh ne apnaa ulTaa