aamad aamad khizaan ki hai shaayad — Meer Mehdi Majrooh

kisi se ishq apnaa kyaa chhupaaein
mohabbat Tapki paDti hai nazar se

— Meer Mehdi Majrooh

kyuun paas mire aa kar yuun baiThe ho munh phere
kyaa lab tire misri hain main jin ko chabaa jaataa

— Meer Mehdi Majrooh

apni kashti kaa hai khudaa haafiz
pichhe tufaan hai saamne girdaab

— Meer Mehdi Majrooh

shaghl-e-ulfat ko jo ahbaab buraa kahte hain
kuchh samajh mein nahin aataa ki ye kyaa kahte hain

— Meer Mehdi Majrooh

ye kyaa ki hamin marte rahein lutf to jab hai
taasir-e-mohabbat jo idhar ho to udhar bhi

— Meer Mehdi Majrooh

sahal ho garche adu ko magar us kaa milnaa
itnaa main khuub samajhtaa huun ki aasaan to nahin

— Meer Mehdi Majrooh

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

teraa ghar aur meraa jangal bhigtaa hai saath saath
aisi barsaatein ki baadal bhigtaa hai saath saath

— Parveen Shakir