shab-e-visaal mein he he vo un kaa sharmaa kar — Meer Mohammad Sultan Aaqil

phiki hai teri nasihat saath mere ghul machaa
shor se naaseh namak aa jaaegaa taqrir mein

— Meer Mohammad Sultan Aaqil

gaaliyaan diin us ne be-ginti hamein
ham ne bose bhi to gin gin ke liye

— Meer Mohammad Sultan Aaqil

ilaahi tu bhi pyaaraa but bhi pyaaraa phir sunun kis ki
idhar kuchh shaikh kahtaa hai aur us jaanib barahman bhi

— Meer Mohammad Sultan Aaqil

asal mein jalva ye kis kaa hai tu hi kah vaaiz
teraa rab aur sahi meraa sanam aur sahi

— Meer Mohammad Sultan Aaqil

pechidgi-e-taba ki ye saaf hai dalil
maani ulajh ke rah gae un ke kalaam mein

— Meer Mohammad Sultan Aaqil

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

ji DhunDtaa hai phir vahi fursat ki raat din
baiThe rahein tasavvur-e-jaanaan kiye hue

— Mirza Ghalib

naqd-e-dil-e-khaalis kuun miri qalb tuun mat jaan
hai tujh kuun agar shubh to kas dekh tapaa dekh

— Siraj Aurangabadi

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz