khushi hai sab ko roz-e-eid ki yaan — Meer Mohammadi Bedar

nahin kuchh abr hi shaagird meri ashk-baari kaa
sabaq leti hai mujh se barq bhi aa be-qaraari kaa

— Meer Mohammadi Bedar

kis tarah haal-e-dil kahun us gul se baagh mein
phirti hai us ke saath to har-dam sabaa lagi

— Meer Mohammadi Bedar

junun ne dast-kaari aisi bhi ki
na thaa goyaa garebaan pairahan mein

— Meer Mohammadi Bedar

ayaan hai shakl tiri yuun hamaare siina se
ki juun sharaab numaayaan ho aabgina se

— Meer Mohammadi Bedar

saaye se apne vahshat karte hain misl-e-aahu
mushkil hai haath lagnaa az-khud ramidgaan kaa

— Meer Mohammadi Bedar

jaataa hai chalaa qaafila-e-ashk shab o roz
maalum nahin us kaa iraada hai kahaan kaa

— Meer Mohammadi Bedar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

— Bekhud Dehlvi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal

tum aake lauT gae phir bhi ho yahin maujud
tumhaare jism ki khushbu mire makaan mein hai

— Abbas Dana

ye zindagi hai apni kabhi khush kabhi udaas
is kashmakash se mujh ko khudaayaa rihaai de

— Zebunnisaa Zaibii