jab tumhaari ye maatami aankhein — Mehshar Afridi

zamin par ghar banaayaa hai magar jannat mein rahte hain
hamaari khush-nasibi hai ki ham bhaarat mein rahte hain

— Mehshar Afridi

'aql aur 'ishq laDte rahe der tak
'aql maari gai 'ishq zinda rahaa

— Mehshar Afridi

vo kuchh ghalat nahin thaa hamin bevaquf the
shishe ko saaf karte rahe is taraf se ham

— Mehshar Afridi

visaal-e-yaar furqaton ki rut badal nahin rahaa
badan qaraar paa gayaa hai dil sanbhal nahin rahaa

— Mehshar Afridi

tumhaare husn ko kab tak varaq varaq paDhte
so ek raat mein puuri kitaab paDh Daali

— Mehshar Afridi

zaraa baahon ke halqe aur kas lo
mohabbat saans lenaa chaahti hai

— Mehshar Afridi

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

baat vo aadhi raat ki raat vo puure chaand ki
chaand bhi ain chait kaa us pe tiraa jamaal bhi

— Parveen Shakir

dil mein na ho jurat to mohabbat nahin milti
khairaat mein itni baDi daulat nahin milti

— Nida Fazli