khud-kushi bhi haraam hai yaa-rab — Meraj Naqvi

kuchh aastinon ki majburiyaan bhi hoti hain
khushi se apni bhalaa saanp kaun paaltaa hai

— Meraj Naqvi

niind mein bhi hai sharm chehre par
khvaab mein mujh se mil rahi ho kyaa

— Meraj Naqvi

tum mire khvaab mein nahin aanaa
TuuT jaate hain mere khvaab sabhi

— Meraj Naqvi

pahle hansne to do musibat par
phir ye socheinge kyaa kiyaa jaae

— Meraj Naqvi

kyaa karte us se haath milaa kar bataaiye
dil kaise miltaa jis se tabi'at nahin mili

— Meraj Naqvi

ham tire hijr ki sabhi raatein
pi ke cigarette guzaar dete hain

— Meraj Naqvi

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal