un ke aane mein kyuun khalal Daalaa — Mirza Asman Jah Anjum

mohabbat is liye zaahir nahin ki
ki tum ko e'tibaar aae na aae

— Mirza Asman Jah Anjum

naqsh hoti jaati hain laakhon buton ki suratein
kyaa ye dil bhi khitta-e-hindostaan ho jaaegaa

— Mirza Asman Jah Anjum

teri marzi gar isi mein hai ki ho didaar-e-aam
ham ne aankhon par qadam saare zamaane ke liye

— Mirza Asman Jah Anjum

shab-e-furqat hai Thaharte nahin shoale dil mein
taara TuuTaa ki miri aankh se aansu TuuTaa

— Mirza Asman Jah Anjum

misaal-e-charkh rahaa aasmaan sar-gardaan
par aaj tak na khulaa ye ki justuju kyaa hai

— Mirza Asman Jah Anjum

bataa tu dil ke bachaane ki koi raah bhi hai
tiri nigaah ki naavak-fagan panaah bhi hai

— Mirza Asman Jah Anjum

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

chaand ne taan li hai chaadar-e-abr
ab vo kapDe badal rahi hogi

— Jaun Elia