fikr-e-duniyaa mein sar khapaataa huun — Mirza Ghalib

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

koi viraani si viraani hai
dasht ko dekh ke ghar yaad aayaa

— Mirza Ghalib

hai kahaan tamannaa kaa dusraa qadam yaa-rab
ham ne dasht-e-imkaan ko ek naqsh-e-paa paayaa

— Mirza Ghalib

dam liyaa thaa na qayaamat ne hanuz
phir tiraa vaqt-e-safar yaad aayaa

— Mirza Ghalib

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

'ghaalib' chhuTi sharaab par ab bhi kabhi kabhi
piitaa huun roz-e-abr o shab-e-maahtaab mein

— Mirza Ghalib

jinhein ye fikr nahin sar rahe rahe na rahe
vo sach hi kahte hain jab bolne pe aate hain

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

jab bhi ye sochne lagtaa huun ki kaun apnaa hai
zehn mein aa ke kai naam nikal jaate hain

— Abdul Wahab Sukhan

vo ajab ghaDi thi main jis ghaDi liyaa dars nuskha-e-ishq kaa
ki kitaab aql ki taaq par juun dhari thi tyuun hi dhari rahi

— Siraj Aurangabadi

tere bin hayaat ki soch bhi gunaah thi
ham qarib-e-jaan tiraa hisaar dekhte rahe

— Quaiser Khalid

har subh nikalte hain yahi soch ke ghar se
bikhri hui duniyaa ko sameTeinge kisi din

— Sayyed Riyaz Raheem