tere bin hayaat ki soch bhi gunaah thi — Quaiser Khalid

miThi baatein, kabhi talkh lahje ke tiir
dil pe har din hai un kaa karam bhi nayaa

— Quaiser Khalid

ho paae kisi ke ham bhi kahaan yuun koi hamaaraa bhi na huaa
kab Thahri kisi ik par bhi nazar kyaa chiiz hai shahr-e-khubaan bhi

— Quaiser Khalid

mohmal hai na jaanein to, samjhein to vazaahat hai
hai ziist faqat dhokaa aur maut haqiqat hai

— Quaiser Khalid

ab is tarah bhi rivaayat se inhiraaf na kar
badal agarche tu achchhaa na de, kharaab to de

— Quaiser Khalid

Daal di pairon mein us shakhs ke zanjir yahaan
vaqt ne jis ko zamaane mein uchhalte dekhaa

— Quaiser Khalid

kuchh tu hi bataa aakhir kyun-kar tire bandon par
har shab hai nai aafat har roz musibat hai

— Quaiser Khalid

kam-umri mein sunet hain
mar jaate hain achchhe log

— Malikzada Javed

zindagi ke bahut qarib na jaa
faasla kuchh to apne dhyaan mein rakh

— Akmal Imaam

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz