na samjhe ashk-fishaani ko koi maayusi — Mohammad Yaqoob Aamir

main aaj kal ke tasavvur se shaad-kaam to huun
ye aur baat ki do pal ki zindagaani hai

— Mohammad Yaqoob Aamir

baad-e-nafrat phir mohabbat ko zabaan darkaar hai
phir aziz-e-jaan vahi urdu zabaan hone lagi

— Mohammad Yaqoob Aamir

dhire dhire sar mein aa kar bhar gayaa barson kaa shor
rafta rafta aarzu-e-dil dhuaan hone lagi

— Mohammad Yaqoob Aamir

har nayaa rasta nikaltaa hai jo manzil ke liye
ham se kahtaa hai puraani rahguzar kuchh bhi nahin

— Mohammad Yaqoob Aamir

mujhe bhi khud na thaa ehsaas apne hone kaa
tiri nigaah mein apnaa maqaam khone tak

— Mohammad Yaqoob Aamir

sar ke niche iinT rakh kar umr bhar soyaa hai tu
aakhiri bistar bhi 'aamir' teraa farsh-e-khaak thaa

— Mohammad Yaqoob Aamir

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri