ashk se mere bache ham-saaya kyun-kar ghar samet — Mushafi Ghulam Hamdani

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

yuun hai Dalak badan ki us pairahan ki tah mein
surkhi badan ki jaise chhalke badan ki tah mein

— Mushafi Ghulam Hamdani

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

— Mushafi Ghulam Hamdani

jangal mein Tesu phulaa aur baagh mein shagufa
fasl-e-bahaar aai mausam gayaa khizaan kaa

— Mushafi Ghulam Hamdani

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

— Mushafi Ghulam Hamdani

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal

umr hi teri guzar jaaegi un ke hal mein
teraa bachcha jo savaalaat liye baiThaa hai

— Hamid Mukhtar Hamid

zabt TuuTaa to kuchh bhi bachegaa nahin
zabt meraa na yuun aazmaa zindagi

— Amina Raushni Risha

khilaune ki taDap mein khud khilaunaa vo na ban jaae
miraa bachcha saDak par rezgaari le ke niklaa hai

— Raoof Khair

tum in lakiron mein ik khushi bhi talaash kar lo to moajiza hai
ki main to bachpan se jaantaa huun miri hatheli kaa naam dukh hai

— Khalid Nadeem Shaani