ashk se mere bache ham-saaya kyun-kar ghar samet — Mushafi Ghulam Hamdani

ham bhi ai jaan-e-man itne to nahin naakaara
kabhi kuchh kaam tu ham ko bhi to farmaayaa kar

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

pichhaa kisi tarah ye miraa chhoDtaa nahin
haathon se ishq ke koi jaave kahaan nikal

main baDaa ho gayaa huun magar bachpanaa
mere dil se kabhi bhi gayaa hi nahin

koi schōl ki ghanTi bajaa de
ye bachcha muskuraanaa chaahtaa hai

ishq ke hijje bhi jo na jaanein vo hain ishq ke daavedaar
jaise ghazlein raT kar gaate hain bachche schōl mein

ham ko bachpan hi se ik shauq thaa barbaadi se
naam likh likh ke miTaate the zamin par apnaa

saunpoge apne baa'd viraasat mein kyaa mujhe
bachche kaa ye savaal hai gunge samaaj se

bachpan ne hamein di hai ye shirini-e-guftaar
urdu nahin ham maan ki zabaan bol rahe hain