vaada muaavze kaa na kartaa agar khudaa — Muzaffar Warsi

Dubone vaalon ko sharminda kar chukaa hungaa
main Duub kar hi sahi paar utar chukaa hungaa

— Muzaffar Warsi

main ne noch ke pheinkin jo shiknein chaadar se
vo sab shiknein duniyaa maathe par le aai

— Muzaffar Warsi

kaahkashaan ke khvaab 'muzaffar' dekh rahaa thaa
aur bedaari ret ke Tiile par le aai

— Muzaffar Warsi

yuun mahsus huaa apni gahraai mein jaa kar
jaise koi mauj kinaare par le aai

— Muzaffar Warsi

ham karein baat dalilon se to rad hoti hai
us ke honTon ki khamoshi bhi sanad hoti hai

— Muzaffar Warsi

kuchh na kahne se bhi chhin jaataa hai ejaaz-e-sukhan
zulm sahne se bhi zaalim ki madad hoti hai

— Muzaffar Warsi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

huaa hai shah kaa musaahib phire hai itraataa
vagarna shahr mein 'ghaalib' ki aabru kyaa hai

— Mirza Ghalib

divaangi meri ke tahayyur mein shab-o-roz
hai halqa-e-zanjir se zindaan hama-tan-chashm

— Nazeer Akbar Abadi

ai soz-e-jaan-gudaaz abhi main javaan huun
ai dard-e-laa-ilaaj ye umr-e-shabaab hai

— Akhtar Ansari