qabr par kyaa huaa jo melaa hai — Muztar Khairabadi

zulf ko kyuun jakaD ke baandhaa hai
us ne bosa liyaa thaa gaal kaa kyaa

— Muztar Khairabadi

mire dil ne jhaTke uThaae hain kitne ye tum apni zulfon ke baalon se puchho
kaleje ki choTon ko main kyaa bataaun ye chhaati pe lahraane vaalon se puchho

— Muztar Khairabadi

bichhaDnaa bhi tumhaaraa jite-ji ki maut hai goyaa
use kyaa khaak lutf-e-zindagi jis se judaa tum ho

— Muztar Khairabadi

un kaa ik patlaa saa khanjar un kaa ik naazuk saa haath
vo to ye kahiye miri gardan khushi mein kaT gai

— Muztar Khairabadi

uThe uTh kar chale chal kar thame tham kar kahaa hogaa
main kyuun jaaun bahut hain un ki haalat dekhne vaale

— Muztar Khairabadi

mohabbat mein kisi ne sar paTakne kaa sabab puchhaa
to kah dungaa ki apni mushkilein aasaan kartaa huun

— Muztar Khairabadi

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

aao tum hi karo masihaai
ab bahalti nahin hai tanhaai

— Muneer Niyazi

meri chaadar to chhini thi shaam ki tanhaai mein
be-ridaai ko miri phir de gayaa tashhir kaun

— Parveen Shakir

jab bhi vo mujh se milaa rone lagaa
aur jab tanhaa huaa rone lagaa

— Zafar Hameedi

dasht ki naa-tamaam raahon par
koi saathi hai to shajar tanhaa

— Vijay Sharma

kis ko fursat thi ki 'akhtar' dekhtaa meri taraf
main jahaan jis bazm mein jab tak rahaa tanhaa rahaa

— Akhtar Saeed Khan