tu samajhtaa hai gar fuzul mujhe — Nadeem Gullani

tamaam umr tire intizaar mein hamdam
khizaan-rasida rahaa huun bahaar kar mujh ko

— Nadeem Gullani

umr bhar rahnaa hai taabir se gar duur tumhein
phir mire khvaab mein aane ki zarurat kyaa hai

— Nadeem Gullani

tujh se main jang kaa elaan bhi kar hi dungaa
mere dushman tu mire qad ke baraabar to aa

— Nadeem Gullani

tumhein hamaari mohabbaton ke hasin jazbe bulaa rahe hain
jo ham ne likkhe the tum pe hamdam vo saare naghme bulaa rahe hain

— Nadeem Gullani

nahin hai jis kaa hal ab to koi 'nadim' bas ik sivaa tumhaare
main ek aisaa hi masala huun mujhe duaaon mein yaad rakhnaa

— Nadeem Gullani

duniyaa badal gai thi koi gham na thaa mujhe
tum bhi badal gae the ye hairaani khaa gai

— Nadeem Gullani

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

ye to apnaa apnaa hai hausla ye to apni apni uDaan hai
koi uD ke rah gayaa baam tak koi kahkashaan se guzar gayaa

— Taufiq

aap ko kho ke tum ko DhunDh liyaa
hausla thaa ye mere hi dil kaa

— Zeba

ruk jaa hujum-e-gul ki abhi hausla nahin
dil se khayaal-e-tangi-e-daamaan gayaa nahin

— Zehra Nigaah

himmat hai to buland kar aavaaz kaa alam
chup baiThne se hal nahin hone kaa masala

— Zia Jalandhari

aariz se tire subh ki tohmat na uThegi
zulfon pe tiri shaam kaa ilzaam rahegaa

— Ziauddin Ahmad Shakeb