matlab kaa zamaana hai 'naadir' koi kyaa degaa — Nadir Shahjahanpuri

bhare rahte hain ashk aankhon mein har dam
miri har saans mein ab gham ki bu hai

— Nadir Shahjahanpuri

tu hi vo phuul hai jo hai mahbub
patte patte kaa Daali Daali kaa

— Nadir Shahjahanpuri

nang hai raaz-e-mohabbat kaa numaayaan honaa
mar bhi jaaun main agar tum na pareshaan honaa

— Nadir Shahjahanpuri

rahmat-e-haq ko na kar maayus apne feal se
vo bhalaai mein nahin jo hai buraai mein mazaa

— Nadir Shahjahanpuri

ham dil fidaa karein ki tasadduq-e-jigar karein
jo bhi kahein huzur vahi umr bhar karein

— Nadir Shahjahanpuri

phuul khulte hi titli bhi aai
kyaa koi dosti puraani hai

— Nadir Shahjahanpuri

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal