na sair-e-baagh na milnaa na miThi baatein hain — Naji Shakir

buland aavaaz se ghaDiyaal kahtaa hai ki ai ghaafil
kaTi ye bhi ghaDi tujh umr se aur tu nahin chetaa

— Naji Shakir

sivaae gul ke vo shokh ankhiyaan kisi taraf ko nahin hain raaghib
to barg-e-nargis upar bajaa hai likhun jo apne sajan kuun patiyaan

— Naji Shakir

us ke rukhsaar dekh jiitaa huun
aarzi meri zindagaani hai

— Naji Shakir

zulf kyuun kholte ho din ko sanam
mukh dikhaayaa hai to na raat karo

— Naji Shakir

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

ham ko is ki kyaa khabar gulshan kaa gulshan jal gayaa
ham to apnaa sirf apnaa aashiyaan dekhaa kiye

— Hasan Najmi Sikandarpuri