zindagi bas muskuraa ke rah gai — Nami Nadri

uruuj par hai azizo fasaad kaa suraj
jabhi to sukhti jaati hain pyaar ki jhilein

— Nami Nadri

husn vaalon ki jasaarat kyaa kahein
sharmsaari sar jhukaa ke rah gai

— Nami Nadri

kam-umri mein sunet hain
mar jaate hain achchhe log

— Malikzada Javed

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

baDe qalaq ki baat hai ki tum ise na paDh sake
hamaari zindagi to ik khuli hui kitaab thi

— Nazim Sultanpuri

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal