aa ke bazm-e-hasti mein kyaa bataaein kyaa paayaa — Natiq Gulavthi

dusron ko kyaa kahiye dusri hai duniyaa hi
ek ek apne ko ham ne dusraa paayaa

zaahir na thaa nahin sahi lekin zuhur thaa
kuchh kyuun na thaa jahaan mein kuchh to zarur thaa

hamaare aib mein jis se madad mile ham ko
hamein hai aaj kal aise kisi hunar ki talaash

ab kahaan guftugu mohabbat ki
aisi baatein hue zamaana huaa

hichkiyon par ho rahaa hai zindagi kaa raag khatm
jhaTke de kar taar toDe jaa rahe hain saaz ke

riyaa-kaari ke sajde shaikh le baiTheinge masjid ko
kisi din dekhnaa ho kar rahegi sar-nigun vo bhi