saamne us ke ek bhi na chali — Naushad Ali

karnaa hai shaairi agar 'naushaad'
'mir' kaa kulliyaat yaad karo

— Naushad Ali

ik be-qaraar dil se mulaaqaat kijiye
jab mil gae hain aap to kuchh baat kijiye

— Naushad Ali

aabaadiyon mein dasht kaa manzar bhi aaegaa
guzroge shahr se to miraa ghar bhi aaegaa

— Naushad Ali

zindagi mukhtasar mili thi hamein
hasratein be-shumaar le ke chale

— Naushad Ali

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki