tiraa khayaal mire dil mein kaise ghar kartaa — Nazeer Azad

zarra zarra karbalaa manzar-ba-manzar tishnagi
apne hisse mein to aai hai saraasar tishnagi

— Nazeer Azad

aabaad hai is dil kaa jahaan jis ke qadam se
vo mujh ko pukaare hai kisi aur jahaan se

— Nazeer Azad

kyaa milaa juz sukut-e-be-paayaan
shor siine mein kaarvaan bhar thaa

— Nazeer Azad

daastaan-go thaa kisi baab se niklaa hogaa
vo jo kahtaa thaa ki divaar mein dar miltaa hai

— Nazeer Azad

tujh mein gar baarish samundar ke baraabar hai to kyaa
mere andar bhi hai sahraa ke baraabar tishnagi

— Nazeer Azad

aankh bhar ishq aur badan bhar chaah
shukr lab bhar gila zabaan bhar thaa

— Nazeer Azad

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal