bachche ne titli pakaD kar chhoD di — Nazeer Qaisar

jab vo saath hotaa hai
ham akele hote hain

— Nazeer Qaisar

khvaab kyaa thaa jo mire sar mein rahaa
raat bhar ik shor saa ghar mein rahaa

— Nazeer Qaisar

rang laai hai hasrat-e-taamir
gir rahi hain imaaratein kyaa kyaa

— Nazeer Qaisar

patthar hotaa jaataa huun
hansne do yaa rone do

— Nazeer Qaisar

nayaa libaas pahan kar bhi
duniyaa vahi puraani hai

— Nazeer Qaisar

yuun tujhe dekh ke chaunk uThti hain soi yaadein
jaise sannaaTe mein aavaaz lagaa de koi

— Nazeer Qaisar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

umr hi teri guzar jaaegi un ke hal mein
teraa bachcha jo savaalaat liye baiThaa hai

— Hamid Mukhtar Hamid

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal

milti hai khushi sab ko jaise hi kahin se bhi
bhuli hui bachpan ki tasvir nikalti hai

— Azhar Hashmi Sabqat

aayaa hai ik raah-numaa ke istiqbaal ko ik bachcha
peT hai khaali aankh mein hasrat haathon mein gul-dasta hai

— Ghulam Mohammad Qasir

bach jaae javaani mein jo duniyaa ki havaa se
hotaa hai farishta koi insaan nahin hotaa

— Riyaz Khairabadi